Proyeccion, TB Programak

"BILBAO: 700 AÑOS DE ARKITEKTURA" (DOKUMENTALA)
Dokumental honek zazpi mendetan zehar Bilbok izandako hirigintza garapena batzen du. Bertan Bilboko bizitza publikoaren hogeita hamar pertsonaia ezagun baino gehiagok hartzen dute parte; horien artean aipagarri Anabel Alonso, Julio Salinas futbolaria, Espido Freire idazlea edo Amaia Uranga abeslaria. Dokumentalak hiriaren garai ezberdinen 3D berregite animatua erakusten du, hiria ezarri zenetik.

"LA BUENA VIDA"
José Luis Neyro sendagileak aurkeztua, programa honek medikuntza hedatzea eta euskal hiritarrei bizitza on bat eramaten laguntzen dizkieten aholkuak emateaz arduratzen da. “La Buena Vida” ETB-2ko goizetan emititu izan da, Gerardo Fernandez Llanak zuzenta eta Osakidetza Euskal Osasun Zerbitzuak babestuta.

"TOMA Y DACA"
Hiru urtetan zehar (1995etik 1997ra) debate programa hau Euskal Telebistako bigarren katetik (ETB 2) emititu zen ostiraletan, gaueko hamarrak eta goizaldeko ordu batak artean. Gerardo Fernandez Llanak sortua eta zuzendua, Toma y Daca hiritarren parte hartzeari eskaini zitzaion garrantziagatik ezberdindu zen beranduago sortu ziren antzeko programetatik. “Toma y Daca”n beti eman zitzaion lehentasuna protagonistari espezialistari baino. Filosofia honen emaitza izan zen bideoteketan geratu den info-showa: dinamikoa, freskoa eta batzutan nahasia ere izan zitekeen info-showa; hori bai, iraingarri edo baldarra albo batera utzita. Katedratiko batek esaten ez duena baldar kontsideratzen ez badugu, behintzat.

“Toma y Daca”ren ehun programetatik 1.600 hizlari eta 600 euskal hiritar pasatu dira, ehun leku ezberdin ordezkatzen. Ehun mila dei telefoniko baino gehiago jaso ziren, eta horietatik laurehunek beren iritzia publikoki aurkeztu zuten emisioan zehar. Bere azken denboraldian “Toma y Daca”k bataz besteko %20.6ko sharea eta % 6,3ko ratinga lortu zuen. Emaitza hauek ETBko programa ikusiena egin zuten eta horregatik 1997.ean GECA saria jaso zuen. Patricia Gaztañagak eta Jose Gordejuelak aurkeztu zuten Toma y Daca.

"HORI DA ARRAZOIA"
Info – show hau Euskal Telebistako lehenengo katean emititu zen 95-96.eko denboraldian. Joxe Felipe Auzmendik aurkeztuta, Hori da arrazoiak 12 eta 18 urte bitarteko gazteak eguneroko erronkez eztabaidatzeko biltzen zituen.

Bi taldetan zatituta, hamasei gaztek HIES-a, harreman sexualak, gurasoekiko harremanak, homosexualitatea edo Euskadiko bortizkeria bezalako gaiez hitz egin zuten, publiko bezala jarritako ehun lagunek babestuta edo uhukatuak.

"AL CABO DE LA CALLE"
“Toma y Daca” trebatuaren oinordeko izan zen programa honek 1997.eko irailean hasi zuen bere ibilia. Patricia Gaztañaga eta Jose Ignacio Rejonek aurkeztuta, formatu honek telebista formula ezberdinak konbinatzen ditu. Debateak, lekukotasunak, pertsonen bilaketak, laguntza eskakizunak, ekitaldiak...Guztiarentzat dago lekua ostiralero, zuzenean eta gaueko hamarretatik aurrera ETB – 2n emititzen zen hiru ordu t’erdiko makro saio honetan.

"LA VIDA Y MILAGROS"
Arratsaldeko magazine hau ETB – 2 n emititu zen 1997an. Milagros Mugica kazetariak aurkeztu zuen elkarrizketa programa: ez ohizko esperientziak bizi zituzten ohiko jendeari egiten zitzaion elkarrizketa. Egunero emititzen zen eta bi pertsonen arteko gaurkotasun debate batekin bukatzen zuen.